Drejtoresha e shkollës Istigball le detyrën, un...

Drejtoresha e shkollës Istigball le detyrën, unë nuk mund ta pranoj këtë tendencë…

Autori

Autori

Portali Tetova

April 5, 2023, 12:04

Drejtoresha e shkollës “Istigball” Qefsere Murseli ka shkruar:

Të dashura mikesha e miq

Më 19 Janar 2023 kur u caktova si ushtruese detyre drejtoreshë e shkollës fillore komunale “Istikball” në Tetovë, premtova që do t’i shfrytëzoj në maksimum të gjitha dijet, aftësitë dhe mundësitë, por dhe asetet në dispozicion, me qëllim që shkollën “Istikball” ta bëjmë një institucion me të cilin do të krenohemi edhe më shumë. Në këtë vijë jam angazhuar vazhdimisht, që të sigurojmë vetëm më të mirën për fëmijët tanë, nxënësit tanë, për ardhmërinë e vendit tonë.

Për më tepër, misioni im si drejtoreshë shkolle ka qenë që përveç kushteve më të mira e komode për punë për mësimdhënësit, në bashkëpunim të ngushtë me ta të zhvilloj më tej një ekip kompakt që do i përgjigjet shpejt dhe në mënyrë efikase sfidave me të cilat përballet shkolla dhe sidomos nxënësit tanë.

Me keqardhje, sot dua t’ju informoj se ky mision rrezikon të dështojë, për shkak të mungesës së bashkëpunimit serioz e në nivel të duhur, dhe sidomos mungesës së ndihmës ligjore e logjistike por edhe mungesës së mbështetjes morale nga ana e Komunës së Tetovës.

Problematik mbetet dhe mungesa e komunikimit sipas një protokoli të vendosur më parë, dhe për pasojë mesazhet nuk komunikohen përmes kanaleve zyrtare, por përmes personave të dytë e të tretë që s’kanë kurfarë lidhje direkte as me shkollën, e as me Komunën e Tetovës, por janë të afërt e familjarë të disave nga figurat kyçe të udhëheqësisë komunale.

 

Problemi më i madh ka të bëjë me kërkesat e ditës së djeshme dhe të sotshme nga të dërguar të Komunës së Tetovës që unë si drejtoreshë të veproj në kundërshtim me ligjin për të ndërprerë një procedurë disiplinore ndaj dy të punësuarave të cilat jo vetëm që nuk e respektojnë orarin e punës, por edhe shpeshherë nuk shfaqen aspak në vendin e punës, duke kryer në këtë mënyrë obstruksione serioze në mbarëvajtjen e procesit edukativ e arsimor për nxënësit tanë.

Tendencat e këtilla të Komunës së Tetovës për të minuar dhe anashkaluar autoritetin tim si drejtoreshë e shkollës dhe duke i komunikuar mesazhet apo duke deleguar pjesë nga vendimmarrja tek pozitat zëvendëse ose vartëse janë veprime që nuk përputhen as me ligjin, as me misionin tim, as me misionin e shkollës, e as me praktikat normale e logjike të mbarëvajtjes së punës në një institucion ku vendosen themelet për krijimin e të ardhmes duke edukuar e aftësuar fëmijët tanë.

Vonesat dhe pengesat në sigurimin e materialeve të nevojshme për vijim normal të procesit mësimor dhe punës në përgjithësi janë të pakuptueshme, sidomos kur ka indikacione se këto vonesa bëhen për të gjetur “tenderuesin që i përshtatet” dikujt me lidhje direkte në Komunën e Tetovës.

Këto probleme (ndër të tjera) janë arsyet që më shtyjnë mua si ushtruese detyre drejtoreshë e shkollës fillore komunale “Istikball” t’a paraqes dhe t’a bëj publike DORËHEQJEN TIME TË PAREVOKUESHME NGA POZICIONI U.D. DREJTORESHË. I takon inspektoratit arsimor që në të ardhmen t’i bëjë publike iniciativat e mia ligjore të dorëzuara deri tek Komisioni Disiplinor.

Mos e humb

IMG_3476
Pirati kosovar ia fiton ndeshjen Mallorcas në frymën e fundit
IMG_3456
Fiton dy të arta në Stamboll, Luiza Gega kampione e Ballkanit
IMG_3447
Xhaka dhe Leverkuseni vazhdojnë pa humbje, mposhtin Bayern Munichun në “BayArena”
IMG_3389
Mësohet data e ballafaqimit të Florian Markut me Chris Congon
IMG_3335
Mustaf Rexhepi, magjistari i gjeneratës 2012 te Shkëndija

Më shumë nga kategoria

IMG_3389
Mësohet data e ballafaqimit të Florian Markut me Chris Congon
IMG_3335
Mustaf Rexhepi, magjistari i gjeneratës 2012 te Shkëndija
IMG_3327
Shqipëria mëson kundërshtarët në Ligën e Kombeve
IMG_3264
Granit Xhaka iu prin maestrove të mesfushës në Top 7 ligat evropiane
donarti-750x504
Donart Bexheti, supertalenti shqiptar në Danimarkë, që dëshiron t’i ngjajë Cristiano Ronaldos!
Agron Memeti
Agron Memedi bashkohet si pjesë e stafit teknik te skuadra kuq e zi
enver.jpeg
Shuhet nga jeta Enver Sulejmani nga Tetova, patrioti dhe njeriu që ia kushtoi jetën futbollit
Messi-termeti
Argjentina premton tërheqjen e fanellës ikonë të Messit me numër 10
Kasami-stadioni
Bilall Kasami: Stadiumi i Tetovës me standarde të UEFA-s! Ne i mbajmë premtimet!
IMG_3961
Taravari me propozim: Zgjedhja e presidentit të bëhet nga Kuvendi
IMG_3956
Filloi vazhdimi i punëve në ndërtimin e Xhamisë në Tophane të Shkupit
IMG_3953
Gordana Siljanovska Davkova sërish dëshiron të jetë kandidate për president të shtetit nga radhët e VMRO-së
IMG_3952
Ora më e madhe në botë qëndron në kullën e katërt më të lartë të botës në Arabinë Saudite
IMG_3951
Kolli i thatë merr hov në Maqedoni/ Nga 56 raste të regjistruara, 14 janë fëmijë nën moshën një vjeçare
IMG_3950
Kovaçevski u kërkoi falje mediave për deklaratën e një dite më parë

DIASPORA