Beteja e “Grupit të zjarrit” është me Ali Ahmetin, dhe mund të thuhet se është një betejë e lidershipit të vjetër të udhëhequr nga Musa Xhaferi e Izet Maxhiti kundër njerëzve relativisht të rinj në parti në pozita të larta që i vendosi lideri Ali Ahmeti, thotë analisti politik Aco Kabranov duke komentuar zhvillimet dhe paknaqësitë brendapërbrenda partisë më të madhe të shqiptarëve të Maqedonisë së Veriut, Bashkimit Demokratik pqër Integrim.
“Filluan të sulmojnë Artan Grubin dhe Bujar Osmanin me arsyetimin se ata dhe ministrat e tjerë në qeveri janë të dobët dhe nuk kanë rezultate dhe nuk ka demokraci në parti, por realisht kjo nuk rezulton ashtu, pasi që betaja e vërtet e të ‘zjarrtëve’ është me liderin e tyre Ali Ahmeti.
Nuk ka dyshim se mbështetja e faktorit ndërkombëtar është e kushtëzuar, ata mbështesin fytyrat e reja të njerëzve me të cilët Ahmeti do të fillojë reformimin e partisë që ka 20 vjet në pushtet në Maqedoninë e Veriut.
Ahmeti nuk e pranoi kërkesën e tyre, dhe ata që tentuan ta largonin Grubin nga posti i zëvendëskryeministrit dhe nga postet në parti, iu drejtuan direkt Ahmetit”, deklaroi Kabranov për PRESSonline.mk
Ai thotë se beteja e hapur do të zgjasë deri në zgjedhjet parlamentare të vitit të ardhshëm. “Të ‘zjarrtit’ nuk do ta fitojë këtë betejë, por do t’i sjellin dëm parties”, potencon Kabranov.
