Shfrytëzimi intensiv i ujërave dhe mungesa e reshjeve të borës dhe shiut nuk premton pranverë të mirë për bujqësinë, thonë njohësit e rrethanave hidrobiologjike. Ata kërkojnë që uji të shfrytëzohet në mënyrë sa më racionale.
“Në mënyrë shtesë këtu ndodhi që dimri të jetë shumë i varfër në aspekt të reshjeve të borës dhe tani nëse e marrim parasysh edhe këtë faktor, të mos ketë mbushje të maleve me ujë, në gjendje të fortë, tani mbetet të shpresojmë në një pranverë të pasur me reshje të shiut dhe me borë eventuale në shkurt.
Në një situatë të tillë mbetet të ulet përdorimi I ujit sa më shumë të jetë e mundur, pasi tani ato janë në minimum të akumulimeve dhe të njëjtat do të na duhen për ujitje të sipërfaqeve bujqësore në periudhën e verës”, deklaroi Ivan Radovski, profesor.
Radovski një ndër faktorët që ka ndikuar në uljen e nivelit të ujërave është edhe stimulimi për prodhimin e energjisë elektrike.
“Vjeshta ishte e pasur me reshje, tetori dhe nëntori ishin të pasura me shi dhe ai ujë në pjesën më të madhe u harxhua në akumulimet për prodhim të energjisë elektrike, prandaj gjendja është kështu si është me liqenin e Tikveshit. Ajo nuk është për shkak të temperaturave shumë të larta, por kjo është për shkak të shfrytëzimit të ujërave kur ato janë më të nevojshme në kushte kur energjia elektrike është shumë e shtrenjtë, prandaj edhe prodhimtaria e të gjitha kapaciteteve të burimeve energjetike ishte e stimuluar”, tha Ivan Radovski, profesor.
Sipas të dhënave të entit hidrometeorologjik, dhjetori i vitit 2022 në Maqedoninë e Veriut, ishte për 3,4 gradë Celsius më i lartë se mesatarja e dhjetë viteve të fundit. /Alsat.mk
