Bekim Qoku-deputeti i ardhshëm i Kuvendit të Maqedonisë që njëherazi përfaqësonte VV në listën e VLEN në njësinë e 6 zgjedhore ka deklaruar se deputetët e VLEN duhet të jenë gjithmonë në krye të detyrës dhe në shërbim të votueseve të tyre, kombit të tyre, por edhe të të gjithë qytetarëve të shtetit.

“Falënderim për çdo votë e dhënë për koalicionin VLEN.
Mirënjohje për çdo votë të pastër si loti.
Do të kisha thënë se një votë për VLEN, vlen të paktën dhjetëfishin e asaj që është blerë, vjedhur apo përvetësuar në mënyrë të padrejtë nga subjekti politik ndër më të korruptuarit në Evropë.
Andaj, kur e di se me sa mund e sakrificë është dhënë secila votë për opozitën shqiptare, deputetët e dalë nga kjo votë kanë edhe përgjegjësinë e lartë morale dhe politike t’i qëndrojnë besnik asaj vote, të atyre qytetarëve. Ata duhet të jenë gjithmonë në krye të detyrës dhe në shërbim të votueseve të tyre, kombit të tyre, por edhe të të gjithë qytetarëve të shtetit.
VLEN është vlera më e re demokratike në Maqedoninë e Veriut dhe e shqiptarëve në Ballkan.
VLEN, ndryshimi ka nis!”, ka shkruar Qoku. /tetova1/