Rama nuk kishte sukses ta bind Kovaçevskin i ci...

Rama nuk kishte sukses ta bind Kovaçevskin i cili i qëndron aleancës me Vuçiqin

Autori

Autori

Portali Tetova

July 6, 2023, 12:07

Turi ballkanik që ka nisur kryeministri i Shqipërisë Edi Rama ka për qëllim ta zhvendosë vëmëndjen e vendeve të rajonit nga Ballkani i Hapur tek Procesi i Berlinit, me pak fjalë të zhbëjë atë që aleanca Rama-Vuçiç e propagandoi me ngulm dhe përpjekje të mëdha në 4 vitet e fundit.

Por kjo nuk është kaq e lehtë. Në vizitën e parë, që pati në Shkup me kryeministrin Dimitar Kovaçevski, Ramës i ngeci sharra në gozhdë. Kovaçevski i qëndroi aleancës me Aleksandër Vuçiçin e Serbisë dhe tha se do t’i qëndrojë Ballkanit të Hapur, pavarësisht se Edi Rama tashmë e quan inisiativën të përmbushur.

“Ballkani i hapur nuk ka përfunduar. Ballkani i Hapur dha shumë rezultate të dukshme, të prekshme. Të dielën e ardhshme do kem takim me Bërnabiç për taksat. Ballkani i Hapur nuk e ka kryer misionin e vet, meqënëse ai angazhohet për të njëjtat vlera si Procesi i Berlinit” tha Kovaçevski në konferencën e përbashkët që mbajti në Shkup me Edi Ramën.

Më tej, kryeministri i Maqedonisë së Veriut përmendi shtimin e shkëmbimeve tregtare në shifra të kënaqshme me Serbinë dhe Shqipërinë gjatë viteve të fundit, duke i konsideruar këto meritat e nismës së Ballkanit të Hapur, e cila sipas tij duhet të vazhdojë.

Misioni që ka marrë për të promovuar Procesin e Berlinit, takimi i radhës i të cilit pritet të mbahet në Tetor në Tiranë, nuk i shkon për shtat Edi Ramës. Minimumi një muaj më parë, fliste ndryshe. Sot e quan Ballkanin e Hapur “shpërqëndrim”, “mision të përmbushur” apo “të përfunduar”. Kthesa e fortë që ka marrë brenda një kohe të shkurtër e pengon të shprehë pakënaqësi për qëndrimet e Kovaçevskit.

“Nëse doni që të nxjerr një lajmërim vdekje nuk e kam dhe nuk kam për ta nxjerrë. Megjithatë jeta është e bukur se secili mund të këndojë këngën e vet, aq më tepër në një situatë liri demokracie, kështu që secili prej jush të zgjedhë të këndojë këngën e vet dhe të thotë si e dëshiron.Kush ka pritur që Ballkani i Hapur të dështojë le ta këndojë fundin e tij” tha Rama.

Arsyet se përse Rama doli nga Ballkani i Hapur mbeten mister. Ngrirja e marrëdhënieve të tij me Vuçiçin erdhi pas tensioneve në veri të Kosovës, kur forcat speciale të Serbisë rrëmbyen tre policë të Kosovës. Vuçiç e priti me mosbesim daljen e Ramës nga Ballkani i Hapur.

“Nuk besoj se Rama e ka thënë këtë. Shpresoj të kem mundësi ta shoh së shpejti. Ballkani i Hapur është një ide autonome dhe autoktone e njerëzve nga Ballkani”, tha Vuçiç kur mësoi për deklaratat e kryeministrit të Shqipërisë.

Refuzimi i Kovaçevskit për të kërcyer nga korsia e Ballkanit të Hapur, tek korsia e Procesit të Berlinit me të njëjtën lehtësi që e bën Rama nuk është ogur i mirë për karrierën e “mediatorit të Ballkanit” siç kanë qejf ta përkëdhelin redaksitë pranë tij.

Ngurtësia e Kovaçevskit nuk është asgjë, krahasuar me deklaratën e djeshme të Albin Kurtit që tha se nuk do ta priste Ramën në takim, kur ai të mbërrinte në Prishtinë. Mbetet për t’u parë si do të shkojë vizita në Kosovë dhe më tej ajo në Serbi ku e pret një Vuçiç i habitur për braktisjen e shpejtë dhe aspak diplomatike të Ballkanit të hapur./Lapsi.al

Mos e humb

IMG_4663
Kristjan Asllani shënon gol të mrekullueshëm në Serie A
dhunoi
​Dyshohet se dhunoi një vajzë shqiptare, caktohet seanca vendimtare për Robinhon
received_929338498785251
Atletikë: Tetovari Aldin Ademi i KA Studenti , fitues në hedhjen e shtizës
IMG_4443
“Vëllai im”, Khabibi publikon fotografi me Ilir Latifin
IMG_4086
Granit Xhaka mashtroi të gjithë me festimin e tij, bëri sikur u lëndua pasi shënoi supergol (VIDEO)

Më shumë nga kategoria

IMG_4443
“Vëllai im”, Khabibi publikon fotografi me Ilir Latifin
IMG_4086
Granit Xhaka mashtroi të gjithë me festimin e tij, bëri sikur u lëndua pasi shënoi supergol (VIDEO)
IMG_3476
Pirati kosovar ia fiton ndeshjen Mallorcas në frymën e fundit
IMG_3456
Fiton dy të arta në Stamboll, Luiza Gega kampione e Ballkanit
IMG_3447
Xhaka dhe Leverkuseni vazhdojnë pa humbje, mposhtin Bayern Munichun në “BayArena”
IMG_3389
Mësohet data e ballafaqimit të Florian Markut me Chris Congon
IMG_3335
Mustaf Rexhepi, magjistari i gjeneratës 2012 te Shkëndija
IMG_4672
Sela nga Saraji: Nuk e përkrahim Arben Taravarin për president
IMG_4666
Gashi: “Me qenë si Ali Ahmeti, e kisha lënë politikën dhe ju kisha thënë – hallall ju qoftë”
IMG_4665
Turqia goditet nga një tërmet
IMG_4664
Erjona Jonuzi dekorohet nga Komuna e Tetovës për kontributin në sport
IMG_4663
Kristjan Asllani shënon gol të mrekullueshëm në Serie A
IMG_4662
Shkolla e Vizbegut assesi të hapet/ Drejtori u emërua, por nuk përgjigjet

DIASPORA