Në ditët në vijim do të vazhdojë mot i ftohtë me temperatura të mëngjesit që në gjithë vendin do të jenë nën zero.

Të enjten kah fundi i ditës dhe gjatë natës, si dhe të shtunën do të ketë reshje kryesisht të dëborës me intensitet të dobët deri mesatar.

Siç njofton Drejtoria për Punë Hidrometeorologjike, të premten dhe gjatë fundjavës do të fryjë erë e fortë veriore, veçanërisht përgjatë Vardarit.