Pas 24 viteve dobroshtasit do të luajnë në fushën e tyre. Dje me një ceremoni rasti në fshatin Dobrosht u inaugurua stadiumi që u ndërtua me vetëfinansim nga diaspora dhe qytetarët/bizneset e fshatit.

Në inaugurim morën pjesë përfaqësues të udhëheqësis së Ligës komunale – Tetovë kurse pas ceremonin inauguruese në ndeshjen e parë të zhvilluar në stdiumin e ri, futbollistët e Dobroshtit shënuan fitore.

Ndeshja KF Dobroshti – K.F. Piroku në kuadër të Ligës Komunale përfundoi me fitore të vendasve me rezultat 4:2.
Golashënues për Kf Dobroshtin ishin Shkelqim Memeti me dy gola dhe Ensar Elezi dhe Bashkim Veliu.

Kur u themelua Kf.Dobroshti dhe si filloi ndërtimi i stadiumit?

Nën udhëheqjen e Arben Gafuri e Bashkim Veliu, Forumi rinor i Dobroshtit me datë 16.04.2016 thiri një mbledhje për riaktivizimin e klubit të futbollit.

Entuziazmi e gadishmëria ishte e madhe dhe kjo u tregua me konsolidimin e shpejt të skuadrës dhe udhëheqësis në krye me Qenan Elmazi , drejtor Arben Gafuri , sekretar Bashkim Veliu dhe drejtor sportiv Sulejman Maksuti.
Në sezonën e parë të garimit 2016/17 u thirën lojtare kryesisht të fshatit dhe klubi filloi garën në ligën 4 ose të njohur si Liga Komunale-Tetovë.

Duke parë nevojën për stadium , me 11.09.2016 filluan punimet e para tek vendi ku ishte stadiumi i vjetër por që ishte plot gërmadhë e mbeturina. U bë pastrimi dhe filloi puna dhe menjehere u aktivizuan sportdashës nga diaspora për grumbullimin e mjeteve financiare. U bënë bashkë i madh dhe i vogel me çdo gjë që kishin ta ndajnë për klubin për rinin e Dobroshtit.

U grumbulluan rreth 30.000€ të cilat u shfrytëzuan për ndertimin e impiantit , mjete të tubuara në diasporë dhe në fshatin Dobrosht. Njëkohësisht zhveshtorja është financuar nga Mensur Sherifi Cea Con , Pankinat Nasir Asipi dhe shtyllat Bashkim Veliu .

Pas sezonës 2017/18 pati ndërprerje të Ligës përshkak mosmarreveshjeve në LF të Tetovës dhe pati një ngecje të ecurisë së klubit.

Në vitin 2022 rrifilloj liga komunale ku përsëri Kf Dobroshti morri pjese dhe filloj seriozisht puna tek stadiumi dhe pikerisht me date 21.05.2023 (dje) fshati Dobrosht ishte i gatshëm të mirëpres ndeshjen e pare pas 24 vitesh pauzë së futbollit në stdiumin e fshatit.

Merita është e të gjithëve kontribuesve, donatorve e atyre që kanë punuar fizikisht dhe ata qe çdo ditë punojnë si kryesia , lojtaret e i gjithe stafi.

Ta gëzojnë gjenerat e reja e ndoshta një ditë talentët e Kf Dobroshtit ti shohëm nëpër ekipet më të mira të Maqedonisë, rajonit apo edhe ekipet europiane. /tetova1/