Lajme

Dogana konfiskon 5 mijë produkte të falsifikuara të brendeve NIKE, Adidas dhe Diesel

Picture of Autori

Autori

Portali Tetova

March 23, 2023, 08:03

Kosova konsiderohet si një nga vendet me tregun me të lirë të punëtoreve në rajon dhe ky fakt e bën atë një terren ideal për prodhimin e kopjimin e markave më të njohura tregtare botërore.

Nike, Adidas e Diesel janë brendet e atleteve dhe veshmbathjeve më të shtrenjta e të njohura në gjithë botën, të cilat në Kosovë mund t’i hasësh me çmime të ndryshme, duke nisur nga 1 euro e deri te çmimet treshifrore.

Pikërisht ky fakt vë në lëvizje çdo vit Doganën e Kosovës, misioni i së cilës është lufta ndaj kontrabandës që vjen nga brenda dhe jashtë vendit, njofton Klan Kosova.

Misioni i ekipit të antikontrabandës nga Dogana e Kosovës është të verifikojë dhe sekuestrojë produktet e falsifikuara të këtyre brendeve. Kjo pas ankesës së bërë nga përfaqësuesit e këtyre markave tregtare, të cilat thonë se kanë humbje milionëshe brenda vitit, pikërisht për shkak të kopjimit të produktit të tyre.

Ekipet e Doganës, bashkë me ekipin e KIKS-it, arritën në lokacionin e piketuar.

 

Aksioni po zhvillohej në Zonën Industriale të Prishtinës, saktësisht në një nga objektet shumëkatëshe që gjendën në magjistralen Prishtinë-Fushë Kosovë.

Dhe sinjalet dolën faktike. Në këtë biznes mund të hasësh të gjitha llojet e tekstilit dhe veshmbathjeve.

Para se të fillonte kërkimi i produkteve, kërkesa e parë e ekipit ishte që të mbylleshin dyert që të mos qarkullonin më klientë.

Dyert u mbyllën dhe kërkimi filloi.

Produktet që do të duhej t’ua zinin sytë ekipit antikontrabandë, që më tutje të konfiskoheshin, ishin produktet që përmbanin logon e brendeve Nike, Adidas, Diesel e të tjera.

E produkte që mbi to mbanin të stampuar logon e këtyre brendeve botërore, për të cilat ky biznes nuk kishte përfaqësi, kishte me bollëk.

 

Një gjë e tillë nuk i pëlqeu aspak pronarit të dy prej kateve të objektit. Duke u lutur që të paktën aksioni në biznesin e tij të mos xhirohej, ai ankohej për krizë financiare.

Tetova1 në Youtube

Mos e humb

IMG_2170
Musa Selimi, njeriu i sukseseve të mëdha
IMG_1970
Kristiano Ronaldo, një makineri e golave që s’ka të ndalur
IMG_1558
Shqiptari i Gostivarit hedh hapat e parë si trajner në futbollin Gjerman (FOTO)
IMG_1237
Klube të mirënjohura synojnë transferimin e Edon Zhegrovës
IMG_1188
Enis Bardhi largohet nga Trabzonspori, ekipi i ndau plakatë mirënjohjeje

Më shumë nga kategoria

IMG_1237
Klube të mirënjohura synojnë transferimin e Edon Zhegrovës
IMG_1188
Enis Bardhi largohet nga Trabzonspori, ekipi i ndau plakatë mirënjohjeje
IMG_9346
Broja luan titullar në humbjen e Everton, Manchester City rikthehet te fitorja
IMG_8466
Skenë e papranueshme në Tiranë, bokseri serb del në ring me këngë anti-Kosovë
Blerant Ramadani
Ramadani: BDI është mësuar me dezinformata
Ali Ahmeti
Cënimi i gjuhës shqipe! Ali Ahmeti: Mos shohin ëndrra, kthim prapa s’ka!
CREATOR: gd-jpeg v1.0 (using IJG JPEG v62), quality = 82
VLEN: Zgjedhjet lokale, fundi i BDI-së!
bilall-1
Ish komunistët letër të hapur Kasamit – Mos i ndryshoni emrat e rrugëve të Tetovës!
taravari
Taravari: Gruevski dhe Mijallkovi janë përgjegjës për “27 prillin”
Micko
Mickoski: Ndërtimi i autostradës Shkup-Bllacë është në interesin tonë