Kasami do ta presë “Ecologun” deri në fund të v...

Kasami do ta presë “Ecologun” deri në fund të vitit për rikonstruimin e stadiumit të Tetovës

April 9, 2023, 11:04

Nuk ka ende asnjë aktivitet në terren për rikonstruimin e stadiumit të Tetovës. Ndonëse tani e disa kohë përflitet se rikonstruimi do të bëhet në bashkëpunim të Komunës së Tetovës me kompaninë “Ecolog” ende nuk ka diçka konkrete. Kryetari i Komunës, Bilall Kasami i pyetur për këtë theksoi se janë në pritje të përgjigjes nga “Ecologu” për ofertën që Komuna ia ka bërë. Por, siç tha Kasami, nëse nuk marrin përgjigje deri në fund të vitit, do kërkojnë zgjidhje tjera. “Ecolog” nuk u përgjigj në pyetjet e Portalb.mk.

Qytetarët dhe adhuruesit e futbollit me vite presin rikonstruimin e stadiumit të qytetit, i cili është në gjendje të shkatërruar si nga jashtë ashtu edhe nga brenda. E kjo më problematikë është për klubin e futbollit “Shkëndija” të cilët nga gjendja e keqe e stadiumit të qytetit, ndeshjet ndërkombëtare i luajnë në Shkup. E vetmja gjë pozitive në këtë stadium është rregullimi i ndriçimit publik dhe fushës së gjelbër.

Kryetari i Komunës së Tetovës, Bilall Kasami para dy muajsh tha se brenda pak muajsh pritet të ketë marrëveshje përfundimtare në lidhje me rikonstruimin e stadiumit të qytetit në bashkëpunim me kompaninë “Ecolog”. Ndërkaq, i pyetur së fundmi për të njëjtën Kasami tha se vazhdon komunikimi.

“Ne presim nga koncesioneri, në këtë rast nga “Ecologu” që të jap përgjigje apo të japë një qëndrim rreth ofertës të cilën ia kemi dhënë. Sigurisht që analizohet nga ekspertët e tyre juridik se a është e realizueshme dhe dinamika kohore me të cilën do të realizohet. Parimisht kemi pajtueshmëri që është një zgjidhje që mund të jetë e pranueshme për të dyja palët. Megjithatë, nuk mund të jap përgjigje definitive sepse është çështje që ka implikacione juridike a është e realizueshme ose jo”, tha Kasami.

Por i pyetur për atë nëse ka afat kohor kjo pritje, Kasami u përgjigj:

“Mos të vijë si kushtëzim për shkak se bëhet fjalë për një kompani private. Por, unë besoj se kjo situatë nuk duhet të vazhdojë më shumë se fundi i këtij viti. Nga viti i ardhshëm do të kërkojmë zgjidhje tjetër.”

Portalb.mk u drejtua me pyetje përmes emailit zyrtar edhe te kompania “Ecolog”, mirëpo deri në publikimin e këtij artikulli përgjigje nuk kemi marrë.

Para disa muajsh, edhe tifozët e klubit futbollistik “Shkëndija” përmes një fushate kërkuan që kompania “Ecolog” ta bëjë rikonstruimin e stadiumit të qytetit.

Rikonstruimin e stadiumit kryetari aktual i Komunës së Tetovës, Bilall Kasami e përmendi edhe në debatet parazgjedhore.

Rikujtojmë që edhe kryetarja paraprake, Teuta Arifi për rikonstruimin e stadiumit bëri një maratonë premtimesh, në vitin 2013, më pas në vitin 2017 si dhe përsëri në vitin 2021, por kjo nuk u realizua në terren.

Mos e humb

IMG_4663
Kristjan Asllani shënon gol të mrekullueshëm në Serie A
dhunoi
​Dyshohet se dhunoi një vajzë shqiptare, caktohet seanca vendimtare për Robinhon
received_929338498785251
Atletikë: Tetovari Aldin Ademi i KA Studenti , fitues në hedhjen e shtizës
IMG_4443
“Vëllai im”, Khabibi publikon fotografi me Ilir Latifin
IMG_4086
Granit Xhaka mashtroi të gjithë me festimin e tij, bëri sikur u lëndua pasi shënoi supergol (VIDEO)

Më shumë nga kategoria

IMG_4443
“Vëllai im”, Khabibi publikon fotografi me Ilir Latifin
IMG_4086
Granit Xhaka mashtroi të gjithë me festimin e tij, bëri sikur u lëndua pasi shënoi supergol (VIDEO)
IMG_3476
Pirati kosovar ia fiton ndeshjen Mallorcas në frymën e fundit
IMG_3456
Fiton dy të arta në Stamboll, Luiza Gega kampione e Ballkanit
IMG_3447
Xhaka dhe Leverkuseni vazhdojnë pa humbje, mposhtin Bayern Munichun në “BayArena”
IMG_3389
Mësohet data e ballafaqimit të Florian Markut me Chris Congon
IMG_4672
Sela nga Saraji: Nuk e përkrahim Arben Taravarin për president
IMG_4666
Gashi: “Me qenë si Ali Ahmeti, e kisha lënë politikën dhe ju kisha thënë – hallall ju qoftë”
IMG_4665
Turqia goditet nga një tërmet
IMG_4664
Erjona Jonuzi dekorohet nga Komuna e Tetovës për kontributin në sport
IMG_4663
Kristjan Asllani shënon gol të mrekullueshëm në Serie A
IMG_4662
Shkolla e Vizbegut assesi të hapet/ Drejtori u emërua, por nuk përgjigjet

DIASPORA