Pllaka e mermerit me hartën e “Shqipërisë së madhe” është hequr nga muzeu që u hap këtë fundjavë në fshatin Sopot të Kumanovës, njoftoi televizioni Sitel.
Siç raportoi televizioni nga fshati Sopot, përballë objektit, ka mbetur vetëm guri mbi të cilin ishte ngjitur pllaka e mermerit me hartën e diskutueshme.
Me shumë gjasë, pllaka është larguar nga vetë ata persona që e kanë vendosur-por me siguri me urdhër nga lart!
Këtë fundjavë në fshatin Sopot të Kumanovës u hap muzeu në kuadër të kompleksit memorial kushtuar viktimave të sulmit në Sopot më 4 nëntor 1944.
Në këtë manifestim mori pjesë edhe lideri i BDI-së, Ali Ahmeti, i cili më pas postoi foto nga muzeu në Facebook dhe nën to shkruante: “Liria jonë i ka themelet në gjakun e bijve dhe bijave më të mirë të kombit, në madhështinë e atdhedashurisë së tyre.
Qoftë i përjetshëm kujtimi për ta!
Lavdi të gjithë dëshmorëve dhe martirëve të kombit!”.
Si pjesë e publikimit ishte edhe fotografia e pllakës së mermerit me hartën e “Shqipërisë së madhe” ashtu si e quajn mediat maqedonase. /tetova1/
