Rifat Jashari, vëllai i Komandantit legjendar Adem Jashari, në seancën solemne në Kuvend, bëri thirrje për unitet që një herë e përgjithmonë të ndahet Kosova nga Serbia.

Në seancën e cila u mbajt për nder të 25-vjetorit të Epopesë së UÇK-së, Jashari deklaroi që të gjithë duhet të jenë të një qëndrimi, pasi sipas tij, vetëm në këtë mënyrë do i kalojnë sfidat.

“Këtu është Kuvendi ku merren vendimet për të ardhmen e vendit, për të ardhmen e shtetit. U kisha preferuar të jeni të një gjuhe dhe të një qëndrimi dhe ta kalojmë këtë sfidë që e kemi përpara.

Le të ndahemi njëherë e përgjithmonë nga Serbia, e pastaj kemi kohë të merremi me gjëra tjera. Ju faleminderit, shëndet e gjitha të mirat”, potencoi Jashari në Kuvend