Bashkë atdhetari Visar Emini e ka ndihmuar shkollën ”Liria” në Tetovë nëpërmjet një donacioni nga Zvicra respektivisht nga Kantoni Schafhousen.

Lajmin e kanë bërë të ditur nga Komuna e Tetovës prej ku informojn se bëhet fjalë për banka për nxënësit e kësaj shkolle, karrige, rafte për libra dhe mjete për pastrim, informon “tetova1”.

“Falënderojmë bashkë atdhetarin Visar Emini i cili bëri të mundur që shkolla ”Liria” në Tetovë sot të pranojë një donacion nga Zvicra respektivisht nga Kantoni Schafhousen.

Bëhet fjalë për banka për nxënësit e kësaj shkolle, karrige, rafte për libra dhe mjete për pastrim.

Ky donacion është mundësuar nga Sektorit për Veprimtari Publike dhe Komunës së Tetovës të cilët kanë një komunikim dhe bashkëpunim të mirë edhe me mërgatën shqiptare në Evropë. Po ashtu dua të falënderoj edhe kompaninë transportuese “Rina Trans”.

Me këtë veprim Ne, edhe një herë konfirmojmë zotimin tonë për krijimin e kushteve më bashkëkohore në shkollat tona dhe pajisjen me inventar të ri. Investojmë në arsim, investojmë në ardhmërinë”, shkruan në informatën e publikuar nga Komuna e Tetovës./tetova1/