Kreu i Besës, Bilall Kasami ka kujtuar 13 vjetorin e vrasjes së komandant Kushtrimit Harun Aliut me shokë.

Sipas Kasamit moszbardhja e këtij rasti flet për implikime të thella që sipas tij kanë pasur si çmim garancën për të qëndruar në pushtet.

“Sot mbushen 13 vjet nga vrasja e Harun Aliut – komandant Kushtrimit së bashku me shokët e tij. Vrasja e njeriut kryesor operativ bashkë me komandantin e batalionit Shaban Zenuni ngre shumë dilema që kurrë nuk u sqaruan nga partia në pushtet. Moszbardhja e këtij rasti flet për implikime të thella që ndoshta si çmim ka garancën për të qëndruar në pushtet. U bëjmë thirrje organeve të drejtësisë që të angazhohen seriozisht në zbardhjen e këtij rasti, i cili mund të jap përgjigje për shumë situata politike”, ka shkruar Kasami.

13 vite më parë afër fshatit Radushë u vranë nga forcat policore komandant Harun Aliu, Shaban Zenunit – Hoxha, Qemal Fejzullau dhe Xhafer Shala.