Kryetari i PDSH-së, Menduh Thaçi mbrëmë në “Opinion” tek Blendi Fevziu ka pranuar se ai është që mban kontaktet me VMRO-DPMNE si partner të vjetër.
Bashkim Bakiu, shefi i shtabit zgjedhor të kandidatit për president Arben Taravari theksoi se dyshon që në fushatë ka një koordinim mes VMRO-DPMNE-së dhe BDI-së për retorikën e krijuar, Thaçi iu përgjigj:
“Po, po, unë jam në koordinim sepse kam mbështetjen e plotë të zotit Ali Ahmeti për kontaktet me VMRO-në. Fjalia e fundit e imja është se mos shifni ëndërra që mund të bëni diçka me mua dhe PDSH pa BDI dhe Ali Ahmeti. Ne jemi partner të vjetër, pra PDSH-ja të VMRO-DPMNE”, deklaroi Thaçi.
Nga ana tjetër kreu i VMRO-së para ca ditësh kërkoi publikisht BDI-së që të mos i dërgojë asnjë emisar apo emisare në prapaskenë. “Këto ditë më kanë vërshuar mesazhet që më dërgojnë. Unë kam qenë gjithmonë i drejtpërdrejtë – mos më dërgoni nëpër kanale të ndryshme ata emisarët dhe korrierët që thonë – kam menduar të bëj koalicion pas zgjedhjeve. Nuk e di nëse e dini apo jo, por unë nuk jam Kovaçevski, as paraardhësi i tij. Me mua nuk ka pasur dhe nuk do të ketë marrëveshje të tilla në dëm të popullit dhe nën tavolinë”, – tha Mickoski për BDI-në.
/TETOVA1/