Nga Asim Beqiri
Zëvendëskryeministri i parë Artan Grubi, mbrëmë shfrytëzoi takimin me banorët dhe aktivistët e Komunës së Tearcës që të promovoj frymën Ahmetiane dhe Ahmetismin si fenomen dhe tha që të gjithë ata që reshtohen pas Ali Ahmetit janë Ahmetistë.

Në mes tjerash Grubi tregoi se si me një telefonat ka vendosur që Qeveria të aprovoj fonde qeveritare dhe të realizohen projekte miliona euroshëve në Çair, Likovë, Haraçinë, Kërçovë, Dibër, Strugë etj.

Por Grubi në fjalimin e tij nuk përmendi as edhe një investim për Komunën e Tearcës, por tregoi që edhe kryetari i Komunës së Tearcës-Nuhi Neziri ju bën kërkesa çdo ditë “dhe nuk i len rehat”!
Nuk dihet se çfar kërkesash ka bërë kryetari i komunës Neziri (sepse nuk i tregoi në fjalimin e tij), por zëvendëskryeministri i parë Grubi duhet të ja rikujtojm që asnjë nga vendbanimet e Komunës së Tearcës nuk kanë kanalizim, vetëm dy fshatra të Komunës së Tearcës e kanë të rregulluar çështjen e ujit të pijshëm (Odri si dhe Nerashti që më në fund e rregulloi me investim të banorëve pasi që me dekada ju premtua nga partit politike ku bën pjesë edhe BDI).

Realizimi i këtyre nevojave elementare është premtuar që kur ekziston Komuna e Tearcës dhe është premtuar dhe nuk është realizuar edhe nga viti 2005 që kur kuadrot e BDI-së udhëheqin me këtë komunë e deri më tash në 2023.

Nëse ka “Ahmetist” më besnik në Maqedoni, janë këto të Komunës së Tearcës sepse është e vetmja komunë në Pollog ku BDI i ka fituar tërë proceset zgjedhore që nga themelimi i saj si subjekt politik në 2002.

Por ky besim i dhënë deri më tash nuk është shpërblyer thuajse aspak me projekte infrastrukturore dhe investime kapitale për vendbanimet e komunës dhe që do ndikonin për një mirëqenie për të gjithë banorët.
Poashtu ajo që duhet ta brengos lidershipin e BDI-së është se shumë “Ahmetist” nga fshatrat e Komunës së Tearcës i kanë lënë vendet e punës në administratën shtetërore dhe bashk me familjet e tyre kanë shkuar në Evropën Perëndimore.

Që ikja e popullatës dhe “Ahmetistëve” në vendet e Evropës mos të marin përmasa edhe më të mëdha, kryetari i komunës Nuhi Neziri nuk duhet ti ndalë telefonatat deri te qeveritarët shqiptarë por mundësisht edhe ti shtojë që së paku të realizojë premtimet me të cilat mori besimin e popullatës dhe fitoi në zgjedhjet lokale të 2021. Dhe nëse do ketë sukses që ti realizoj ata premtime, atëher si popullata ashtu edhe “Ahmetistët” ndoshta do të jenë më rehat!