Aleanca për Shqiptarët do të jetë pjesë e Qeverisë, vendosi organi më i lartë i partisë dhe Bordi Qendror i LSDM-së dha dritën jeshile për hyrjen e saj në koalicionin qeveritar.
Mbrëmë pas seancës së organit më të lartë partiak të Aleancës për Shqiptarët, kryetari i kësaj partie Arben Taravari ka konfirmuar se po hyjnë në Qeveri dhe ka shpallur funksionet që duhet t’u takojnë.
“Kryesia qendrore e Aleancës për Shqiptarët në seancën e sotme pranoi me shumicë votash hyrjen në Qeveri. Ministria e Shëndetësisë, ajo e Drejtësisë, Ministrin e Shoqërisë Informatike dhe Administratës apo zëvendëskryeministri për Çështjet Ekonomike janë rënë dakord si portofol që do t’i përkasin Aleancës për Shqiptarët”.
Poashtu siç informojn nga ASH, kësaj partie do ti takojë edhe posti i zëvendësministrit të mbrojtjes dhe të bujqësis, informon “tetova1”.
Kush do jenë funksionarët qeveritarë që duhet ti lënë postet e tyre
Nëse analizohen postet qeveritare që i janë ndarë ASH, shumë lehtë mund të vërehet se kjo parti kryesisht do i marë postet që aktualisht i ka Alternativa, LSDM dhe Grupi i Zjarrit.
Në pamje të parë mund të vërehet se BDI aspak nuk dëmtu nga kyqja e ASH-së në Qeveri, por nga LSDM kanë theksuar se ata si parti do të kenë numër të njëjtë ministrash që do të thotë se ka gjasa ndonjë ministër i BDI-së ta lëshon postin dhe të zëvendësohet nga kuadër i LSDM-së.
Përndryshe deri më tash dihet që funksionarët qeveritarë që nuk do jenë pjesë e Qeverisë në të ardhmen janë:
Bekim Sali-Ministër i Shëndetësis dhe kuadër i Alternativës
Nikolla Tupançevski-Ministër i Drejtësis dhe kuadër i LSDM-së
Abdylshyqyr Abedini-Zëvendësministër i Bujqësis dhe kuadër i Alternativës
Bashkim Hasani-Zëvendësministër i Mbrojtjes dhe kuadër i BDI-së respektivisht Grupit të Zjarrit.
Fatmyr Bytyqi – zëvendëskryeministri për Çështjet Ekonomike dhe kuadër i LSDM-së ose
Admirim Haliti – Ministër i Shoqërisë Informatike dhe Administratës dhe kuadër i Alternativës.
Seanca për rikonstruimin e Qeverisë mund të caktohet për të hënën, tha kryetari i Kuvendit Talat Xhaferi, nëse gjatë ditës kryeministri Dimitar Kovaçevski ua dorëzon deputetëve propozimin për përbërjen e kabinetit të ri qeveritar. /tetova1/
