Në vitin 2005 u miratua Ligji për armë i cili mbetet në fuqi edhe sot me disa ndryshime. Në fillim, ligji lejonte posedim të armës në disa situata të caktuara.

Në vitin 2007 u miratua amendamenti me të cilin u hoq diskrecioni i policisë në dhënien e lejeve për armët e zjarrit të gjuetisë, duke përcaktuar se cilat kushte duhet të plotësoheshin për t’i marrë ato, por lejet për vetëmbrojtje mbeten për t’u dhënë nga institucionet.

Sipas ligjit në fuqi, arma e zjarrit ndahet në 4 kategori edhe atë: kategoria A, armë automatike që ndalohet për përdorim civil, kategoria B dhe C, armë zjarri gjysmë-automatike, pistoleta, pushkë dhe pushkë gjahu që mund të blihen me leje norma, përcjell Telegrafi.

Armët e zjarrit të kategorisë C mund të jepen në rrethana lehtësuese si dhe kategoria D e cila përfshin armë të ftohta, ajrore dhe zjarri që mund të blihen pa leje, por nevojitet regjistrim.

Municioni mund të blihet vetëm me leje të lëshuar nga Ministria e Punëve të Brendshme. Për të marrë leje për armë zjarri në Maqedoni, aplikanti duhet të jetë së paku 18 vjeç, i aftë për punë, i shëndetshëm, të mos jetë i rrezikshëm për rendin publik, të ketë vendbanim të përhershëm në Maqedoni, të ketë njohuri teknike për armët dhe rregulloret përkatëse dhe të ketë arsye të justifikuar për fitimin e një të drejte të tillë.

Në vitin 2018, në Maqedoni janë regjistruar 180 mijë armë zjarri, por vlerësimet janë se në vend ka 451 mijë armë zjarri pa leje.