Një qëndrim i çuditshëm: Amerika po i bën presion Serbisë, dhe ministri serb po bën thirrje për veprim kundër Rusisë, ka shkruar zëdhënësja e Ministrisë së Jashtme ruse.

Serbia është nën presion për të vendosur sanksione ndaj Rusisë, tha të martën zëdhënësja e Ministrisë së Jashtme ruse, pasi ministri serb Rade Basta tha se vendi i tij duhet t’i bashkohet sanksioneve perëndimore kundër Moskës.

“Pozicioni i çuditshëm: Amerika po i bën presion Serbisë dhe ministri serb po bën thirrje për veprim kundër Rusisë”, ka shkruar Maria Zakharova në Telegram.

Edhe pse Serbia e ka dënuar vazhdimisht pushtimin rus të Ukrainës në Kombet e Bashkuara, ajo ende po i reziston presionit perëndimor për të vendosur sanksione ndaj Moskës.

Të hënën, Rade Basta, ministri i ekonomisë i Serbisë, tha se Serbia po paguante një çmim të lartë për refuzimin për t’iu bashkuar embargos ndërkombëtare kundër Rusisë.

“Vendi ynë tashmë po paguan një çmim të lartë për mosvendosjen e sanksioneve ndaj Rusisë dhe kjo po bëhet e padurueshme”, ka shkruar Basta në Instagram. /tesheshi