Sfidë për të rinjtë: Krijo video për arsim dhe ...

Sfidë për të rinjtë: Krijo video për arsim dhe fito 15.000 denarë

Autori

Autori

Portali Tetova

April 3, 2023, 12:04

Fondacioni Metamorfozis shpall një #CTRLZSfidë për të rinjtë: Arsimi në fokus, ngrije zërin për problemet në arsim – konkurs për videon më të mirë me temë “arsimi”. Në konkurs kanë të drejtë të marrin pjesë të gjithë të rinjtë nga mosha 14 deri në 29 vjet.

Pjesëmarrësit në konkurs duhet të krijojnë një video të shkurtër me temën “arsimi” në të cilën ata do të paraqesin një problem të caktuar nga arsimi fillor, i mesëm apo i lartë.

Si ndikojnë lajmërimet për bomba nëpër shkolla në procesin mësimor? A mund të ketë mësimi online të njëjtën cilësi si ai në një klasë apo amfiteatër? Sa inkluziv është në të vërtetë arsimi? A jeni të kënaqur me mësimin praktik në universitete? A kemi tepër universitete publike dhe private?

Sa të përgatitur janë maturantët dhe studentët për në tregun e punës? Arsimimi profesional dual, bursat – motiv shtesë për zgjedhjen e profesionit, teknologjia dhe inteligjenca artificiale si mjete për përmirësimin e cilësisë së arsimit, korrupsioni, diskriminimi…

Këto janë vetëm disa nga pyetjet në të cilat mund të fokusohen pjesëmarrësit në video-konkurs. Për më shumë ide autorët mund të vizitojnë kategorinë “arsimi”, ku janë radhitur të gjithë artikujt me temën të cilën Agjencia e Lajmeve “Meta.mk” e ndjek në mënyrë aktive.

 

Videoja nuk duhet të jetë më e gjatë se katër minuta, ndërsa gjuha e videos (nëse flitet ose shkruhet diçka) mund të jetë maqedonisht, shqip ose anglisht. Do të pranohen edhe përmbajtje të cilat jo domosdoshmërisht duhet të përmbajnë fjalim apo tekst, pra në të cilat mesazhi përcillet përmes asaj që shfaqet në video.

Videoja mund të regjistrohet me çfarë do kamere, celulari ose pajisjeje tjetër.

Në rastin e përdorimit të materialeve pa të drejtë autori, është e detyrueshme që ato të kenë një licencë të hapur, pra të jenë për përdorim pa pagesë. Në materialet që do të dorëzohen ndalohet përdorimi i materialeve me të drejtë autori ose plagjiatura.

Çdo autor mund të marrë pjesë me vetëm një video. Videot dërgohen në adresën [email protected] me shënimin VIDEO KONKURSI. Për shkak të kufizimeve, videot më të mëdha mund të dërgohen nëpërmjet një prej platformave të mëdha të shkëmbimit të të dhënave (siç është “WeTransfer”). Në mesazh duhet të shënohen të dhënat e autorit – emri, mbiemri, datëlindja, numri i telefonit, si dhe linqet për profilin e tij/saj në rrjetet sociale Instagram dhe Facebook.

Videot do të vlerësohen nga një komision i përbërë nga gazetarë dhe përfaqësues të Ambasadës Britanike në Shkup. Më së shumti do të vlerësohet ideja, kreativiteti gjatë punimit dhe fuqia e mesazhit të përmbajtjeve të dorëzuara.

Videot fituese do të publikohen në kanalet e Fondacionit Metamorfozis.

Për fituesit e Konkursit janë siguruar këto çmime:

Vendi i parë – kupon për pajisje IT në vlerë prej 15.000 denarë;
Vendi i dytë – kupon për pajisje IT në vlerë prej 6.000 denarë;
Vendi i tretë – kupon për pajisje IT në vlerë prej 3.000 denarë.

Video konkursi është i hapur deri më 14 prill.

Mos e humb

IMG_4663
Kristjan Asllani shënon gol të mrekullueshëm në Serie A
dhunoi
​Dyshohet se dhunoi një vajzë shqiptare, caktohet seanca vendimtare për Robinhon
received_929338498785251
Atletikë: Tetovari Aldin Ademi i KA Studenti , fitues në hedhjen e shtizës
IMG_4443
“Vëllai im”, Khabibi publikon fotografi me Ilir Latifin
IMG_4086
Granit Xhaka mashtroi të gjithë me festimin e tij, bëri sikur u lëndua pasi shënoi supergol (VIDEO)

Më shumë nga kategoria

IMG_4443
“Vëllai im”, Khabibi publikon fotografi me Ilir Latifin
IMG_4086
Granit Xhaka mashtroi të gjithë me festimin e tij, bëri sikur u lëndua pasi shënoi supergol (VIDEO)
IMG_3476
Pirati kosovar ia fiton ndeshjen Mallorcas në frymën e fundit
IMG_3456
Fiton dy të arta në Stamboll, Luiza Gega kampione e Ballkanit
IMG_3447
Xhaka dhe Leverkuseni vazhdojnë pa humbje, mposhtin Bayern Munichun në “BayArena”
IMG_3389
Mësohet data e ballafaqimit të Florian Markut me Chris Congon
IMG_4666
Gashi: “Me qenë si Ali Ahmeti, e kisha lënë politikën dhe ju kisha thënë – hallall ju qoftë”
IMG_4665
Turqia goditet nga një tërmet
IMG_4664
Erjona Jonuzi dekorohet nga Komuna e Tetovës për kontributin në sport
IMG_4663
Kristjan Asllani shënon gol të mrekullueshëm në Serie A
IMG_4662
Shkolla e Vizbegut assesi të hapet/ Drejtori u emërua, por nuk përgjigjet
IMG_4661
Big Mama: “Hera e parë në 23 vite karriere që nderohet puna ime si artiste nga kryetari i Komunës së Tetovës”

DIASPORA